طوط طوط طوط .. وأنقطع الخط
طيب وكريم ،، بار بوالديه (( طالع بوسه ع الرأس وداخل بوسه ع الرأس ))
يصوم رمضان .. كلن يمدح فيه ،،، بس ما يصلي
طوط طوط طوط .. وأنقطع الخط
•
•
•
يحبها وتحبه ،، قال لها أحبك قالت له و أنا بعد يا عمري
قال لها ما ابغي غيرك .. قالت له و أنا بعد يا نظر عيني
سهروا الليل .. وخلصوا كلام الحب ،،آخرتها تزوج غيرها
طوط طوط طوط .. وأنقطع الخط
•
•
•
أم حنونة ،، استحملت ولدها/بنتها لمدة تسع أشهر بس
وبعد التسع أشهر ،،، الله يخلي ميري !!
طوط طوط طوط .. وأنقطع الخط
•
•
•
عاشق سفر ،، بالصيف ما يخلي محل إلا وترك فيه (( تكرمون )) خبطت رجوله
يبتدي المشوار من فرنسا ، أمريكا ، لندن ، ألمانيا ، ايطاليا .. الخ
ويكمل المشوار في بنغلادش ،،عشان يحلل القرض الي خذه عدل !!
طوط طوط طوط .. وأنقطع الخط
•
•
•
حريم بمجلس ،، وي مادريتي أم فلان تزوج عليها رجلها !!
وي مادريتي فلانة متهاو شه مع فلانة !! وي مادريتي فلان طلق فلانة !!
وي مادريتي .. الخ ،،، ولما يسألونها عن نفسها تقول السموحه
إنا بروح بو العيال ينتظرني فالبيت ؟
طوط طوط طوط .. وأنقطع الخط
•
•
•
أم ضحت ،، طلقها رجلها وهي بعز شبابها !!
رفضت كل الخاطبين من بعده حتى تكرس جهدها و حياتها لأبنائها !!
ضحت .. ربت .. تعبت ،، وآخرتها ما كان جزاها إلا النكران منهم !!
طوط طوط طوط .. وأنقطع الخط
•
•
•
عاشق ترقيم ،، شاف بنت لحقها ورقمها !!
رجع بعد كم يوم شاف بنت أحلى و رجع رقم !!
وبعد ثانيه رجع شاف بنت مو حلوه بس صار بخاطره يرقمها ..
مره من المرات واحد من الشباب رقم أخته ،،،
فما كان منه إلا إن ( يدبغه ) دبغه سنعه وهو يقول
ما تستحي يا (*******) و يا (*******)
ويا (*******) ويا (*******)
ويا (*******) ترقم !!!!!!!
طوط طوط طوط ..وأنقطع الخط
•
•
•
كثيرة هي الخطوط المقطوعة ،،،
ولكن برأيكم ما هي أسباب قطع تلك الخطوط ..
تعتقدون إن الإرسال ضعيف !!..
طوط طوط طوط .. وأنقطع الخط ???
