ياقصيدي قول من وين ابتدي
...................... لك ثلاث ايام وانته في عناد
كنت عد وصرت في عيني مدي
...................... وانتهى من بيننا عصر الوداد
صايرٍ ابعد علٌي من الجدي
...................... لادعيتك ماتجي حسب المراد
طيعني يالين ابلغ مقصدي
...................... بعدها أعلن على الفرقا الحداد
يحسبن الحب ديكور وبدي
...................... مايحس اللي احسه والوكاد
نوم عيني مايجيها يابعدي
...................... عقب صدك والجفا والبعد زاد
والله اني عفت حتى مرقدي
...................... وانت عينك ماشكت كثر السهاد
لو تدري ويش يحداني حدي
...................... عن مرادي يابعد كل العباد
لا بغيت القاك ضيعت جهدي
...................... ولا بغيت ابعد تذكرت البعاد
اشهد ان البعد ليله سرمدي
...................... لاقمر .لانجم. يغشاه السواد
ليل موحش من سرا فيه يغدي
...................... من سراه يعيش عمره في جهاد
واشهد ان الحزن والحظ الردي
...................... هي بلادي يوم ماعندي بلاد
صح حاكم بس في حكم بلدي
...................... والبلد يحكم عليه مأراد
ايه اخطيتي ولا لا تجحدي
...................... والحزن من كل غلطه استفاد
عدي اخطأك طلبتك واجردي
...................... تعرفي ليه الحزن والهم ساد
ثوب حزني قادين قلبي قدي
...................... ثوب واحد في دفا والا براد
انثر دموعي وتمسحها يدي
...................... ولايواسي دمعتي غير النهاد
ماطلبتك وش طلبتك يابعدي
...................... ماطلبتك لو حتى ما وزاد
ماطلبتك غير صونك لعهدي
...................... ما طلبتك تقتليني باقتصاد
ما طلبتك وش طلبتك يا بعدي
