يابوي ليتك حي وتشوف حالي
تشوف وشهو صار من بعد فرقاك
صار الوطن بعدك من الناس خالي
صار الوطن غربه بعد ما فقدناك
يابوي انا بعدك سهير الليالي
مقهور من دنياي منا ومناك
حدتني الدنيا وانا راس مالي
اني عزيز النفس مثلك وشرواك
مافيه شي بحياتي صفالي
حتى الورود ان جيتها صارت أشواك
اطيح وحمولي علي ثقالي
واتخيلك مديت لي كف يمناك
بعدك ولا مره ترى ارتاح بالي
أصفق على كف الندم واتحراك
ومن ضيقتي ياكم اصدق خيالي
واقوم ادور عنك واقول بلقاك
واضيع بالعالم وهمي سؤالي
هو انت وينك ليه ما عاد شفناك؟؟
ادري لو انك حي ياأعز غالي
يمديك تفزع قبل ما اجيك وانخاك
ويلاه ياحالي وماهو جرالي
ويلاه ياقلبٍ تعذب في طرياك
ويلاه يابوي من اول وتالي
لا والله اول كان ينجيني دعاك
واليوم من بعدك وش بقالي
غير اني ادعي ربي يغفر خطاياك
ياللـــــــــــــــــــــــــــــــــــــــــــــه
حطه وسط ميزان عالي
في جنه الفردوس يارب الافلاك
واغفر ذنوبه ياعزيز الجلالي
واشرح لي صدرٍ ضاق من جور دنياك ..
وسلامتكم
يابوي ليتك حي وتشوف حالي.... 0000
.gif "(207)")
