السلام عليكم ورحمة الله وبركاته

كيف الحال انشاء بخير << دووم نهي يووم

اليوم جايبلكم قصيدهـ من قصايدي << سذوب :)

طولت عليكم صووح يالله اجل اخليكم مع القصيدهـ

ويالله عاد نبي نشوف ردود سنعه

^
^
^
^
^
^
^
^
^
^
^
^
^
^
^
^
ملاحظه :
في القصيده كلمات متشابهه في النطق والكتابه ولكن المعنى مختلف فمثلاً أول جزئيه كلمة سله الاولى تعني سلة السيف وسلة الثانيه تعني سلة الحب او سلة الورد ..وسلة الثالثه هي فعل الأمر من التسليه وهكذا الطريقه


وشكراً


زعلان مني وسيف الاحزان سله
وين الي كان الي الفرح والتسالي
مايرضيك لو اهديك من الحب سله
سارح بعيد وعن سلة الحب سالي
الكل يقولي لاتـتركه زعـلان سله
واعرف التسليه ماتنفع مع السالي
إنت يالي تنتظر من لساني الزلـه
ماتشوف دمعي على الخدين سالي
----
ابيك تذكر يوم شفتك في وسط شله
لابسن وردي عليه من الورد شالي
نظرتـك سببـت لعظـام جسـمي شله
مااقوى اتحرك في حضرت الزين وشالي
غنيتلك من حر مافـي الجـوف شله
وقلبي عليك من أنواع الإعجاب شالي
إنـت يالي تنتظر من لسانـي الزله
ماتشوف دمعي على الخـدين سالي
------
وابي تضحك تفل شعر الحرير فله
وارجـيك ماتقول فال الله ولافالي
نونـس بعضـنا نقلب الحزن فلـه
جلسة سمر تسوي مافي الكون أنفالي
سولف معي ولاتذكر أن فيه وقت فله
كنك معي طول العمر عسى يكـفالي
إنت يالي تنتظر من لساني الزلـه
ماتشوف دمعي على الخدين سالي
-----
امضـي الوقت معك بلا مله وكله
فيك من كل البشر ألوان وأشـكالي
ماأستبدل بغيرك أحد.. ألـف كلا
ما طـار عقلي وذقت المر أنكالي
أبي معك أقضي منى العمر كـله
لو كيل حب القلب بالميزان ماكالي
إنت يالي تنتظر من لساني الزلـه
ماتشوف دمعي على الخدين سالي
------
اشرب القهوه تكفى هالفنـجال ملـه
ابي ترتوي ولاتقول في الشرب مالي
شخص مثلـي من اسلوب الدلع مله
لاتستحي من مالي وانت راس مالي
دام لـنا في ملة (ابراهيمنا) مـله
لايفترق في ملته مصري ولا مالي
إنت يالي تنتظر من لساني الزلـه
ماتشوف دمعي على الخدين سالي
------
أطحن حب العناد من الراس جله
ولاتقول ذاك الي جيته ولا جالي
لو غاب لك في قلبه الحب جله
اعذره لاصال في قصته وجالي
دوم اذكر اسم الله عـلا وجـلا
ولاتترك لوسوسة ابليس مجالي
إنت يالي تنتظر من لساني الزلـه
ماتشوف دمعي على الخدين سالي
-------
هذا طريقي ليت وصلك معي دلـه
وان كان مادله مهوب ضايعن دالي
انسى همومك وخل نحمي لنا دلـه
ولو تبي ارسمك فأنا السلفادور دالي
ايه أضحك ودام الفرح فيك دلـه
يغمرك من كل فوج ودعنا الجدالي
إنت يالي تنتظر من لساني الزله
ماتشوف دمعي على الخدين سالي