تلعب بي الأفكار مع طلعت النور
......................................ولي مع الدنيا حكاية طويلة
ان غبت تنساني وانا اشتاق وازور
....................................واتعبتني ماعاد لي فيك حيلة
اضحك مع السالي ولاني بمسرور
..................................اجامل الضحكة وروحي عليلة
يخطي ويقول آسف وانا قول معذور
..................................عمري فداك وكل عوجا سهيلة
واليوم أشوفك فاقد احساس وشعور
..................................وصارت محبتنا شبه مستحيلة
ناس بوقت الضيق تلقى لها دور
.....................................حـتى تولع لي برأس الفتيلة
خلاص ابسلى عن محبتك مجبور
.....................................ماني بأول خـل فارق خليلة
مدام مابالحب شرع ودستور
.............................احسن لي اترك مثل غيري سبيلة
واعيش مرتاح من الهم والجور
...................................والوقـت يرضينا بعدلة وميلة
شعر
عبدالله بن حنيف
خلاص ابسلى عن محبتك مجبور
