السلام عليكم ورحمة الله وبركاته
مساء الخير والقصيد القصيده ذي بعنوان تبغى تربيني قصيده أكن لها الكثير من الاحاسيس والمشاعر وهي قديمه
واتمنى ان تنال اعجابكم أترككم مع القصيده
تقطع كلامي تقول أمـي تنادينـي
وأنا ادري إن أمها ما هي تناديهـا
أدري إنها ما تبي الحلوة تحاكينـي
وآنا على شان خاطرهـا محاكيهـا
زعلان منها ولاتبغـى تراضينـي
وهي تنتظرني وأنا زعلان أراضيها
لو قصدها باللي تسويـه تشقينـي
لا تجبر المبتلي يشقـى ويشقيهـا
عندي خبر وادري إنها ميته فيني
وأنا بعد في هواهـا ميـتٍ فيهـا
بأحلى مسا كل ما غابت تمسينـي
وبتالي الليل بأحلى حـب أمسيهـا
ان غبت عنها تقول شفيك ناسيني
وهي تدري المجرمه ماني بناسيها
بعيونهـا وقلبهـا دايـم تسمينـي
وانا بعد عمري وروحي مسميهـا
لو قدمت عمرها من شان تشريني
أنا اشهد إني لابيع العمر واشريها
وان عاهدتني على انها ما تخليني
أقسم بربي قسـم مانـي مخليهـا
لكنهـا غيـرت طبـع يسليـنـي
الين صرت اعشق اللي مايسليهـا
من اول بكل مـا فيهـا تشاكينـي
واليوم ما ودهـا بعبدالله يشاكيهـا
بدري عليهـا إذا تبغـى تبكينـي
ما دامني باي وقت ابغـى ابكيهـا
ما هو على كيفها الحلوه تمشينـي
أنا اللي بكيفـي آمرهـا وامشّيهـا
تدرون وش قايله تبغـى تربينـي
لكن علي الحـرام إنـي لاربيهـا
وسلامتكم
تبغـــــــــــــــى تربينــــــي !!؟؟
.gif "(145)")
