قبل كل شئ السلام عليكم ورحمة الله ...
"" ترا السالفه طويله وتبون تمخمخون عليه يعني مهوب لا قريتوا نصه نزلتوا وصفقتوا رد ترا قديييمه هالحركااات """
وعلى قولة الشاعر الكبير حكيم ... بعد السلااام ااااه يحلى الكلااااام اااه <-- يدق اصبع
الصدز اني قررت اهااجر وابتعد واسافر واقوول رووح الله حسيبك <-- اعقل يانوال
خابرين راعي صلاح وتسذاااا وربي مصلحن من البيت للجامعه ومن الجاامعه للمسجد وماعرف الطلعات ابد
_____فاصل_______
جالسن اخذ جغمه من التوت الي بجنبي واطالع فديوتسلب مهوب مضبوط الصدز كلوه خمخمه
_____نواصل_______
المووهيم ادري انكم بتقولون من اوله فواصل بس الشكوى لله هاااذي حال الدنيا الصدز مسكت معي اسافر واخذ جولة سياحيه على ربوع بلادي <--- منتب عاقل يابن بطوطه
عشان تسذا قررت اني اروح لجــده همن اسير لمكه يومين فلذلك رحت للبيت
ورجولي تلاعب الهوى من السرعه عاااد قررت امر البابا والماما اقولهم اني
ناوين ارحل واسافر وحللون ومن هالحتسي
ونقزت لغرفتي الي فوق الي اول ماترقي تروح يمين همن تلف تلقاه طبعن من
العجله صفقت باب غرفتي طبررررررررررررخ وقمت احك جبهتي بكل
استدلاخ واقول اثري حووول
المهم وانا قاعدن اضف اغرااضي بكل صمت .... يدق جووالي برنات مخيفه
تهز اجواء الصمت الرهيب الذي كان يعم اجواء المكان <---
وقسمن لو شكسبير لاحقن عليه تسان واقفن هالحين يبيع سوبيا بالدايري
واقفز انا ورجيلاتي الي يتصافقن من العجله اشوف منهو الذي دق ...
"" ادري بتقولون وشلون جت بس مشوا ""
واقرا الأسم واحاول اتهجى .. أأأبببو وو وو ششششش نننببب ابوووششنب
ومير اصفق جبهتي واقووول ايه ذا صديغي ابو شنب اكيد يبينا نطلع نوسع صدورنا ونجمع قواطي
طبعن حنا لا ضاقت صدورنا طلعنا وقعدنا نجمع قواطي همن بعد ساعه نجتمع ونشوف ايهم اكثر
<--- ابوك يالنفسيات اجل تجمعوون قواطي
يعني لا جينا نراسل مجله نقوول اننا من هواة التسدح والعزف وجمع القواطي ...
المهم طلعنا عن محور حديثنا دق علي وارد واسعه يقووول
أأأأأأأأأأأأأأأأأأأأأأأأأأأأأأأأأأأأأأأأأأأأأأأأأأ أ
أأأ <--- ذي يعني تراي قاعدن اهوجس وابقول شئ بس نسيتوووهـ
عاااد ردييت انا وقلت أأأأأأأأأأأأأأأأأأأأأأأأأأ قل قل ...
ومير يقوول مااااااودك نطلع اليوم نجمع قواطي ولا ندور احد نجلده ولا يجلدنا ولا اي شئ ...
قلت خلاااص خلااااص انا الصدز مسااااااافر وناااوين ارووح وارحل ...
ومير ينصدم ابو شنب ويقووول لا تكفى ياصديغي لا تخليني اوجه الشريرين لحااااالي وانت تروح ...
ومير يقول لي هالأبياااات ...
لا تساافر يالحبيب ... اقعد يسلم عيووونك "" على فكره تراي حول ""
كيف تتركني غريب ... وانا ماحيى بدونك
وميررر اقووله لا تحااول ابدن ابدن لو تصيح من الحين لمى باتسر وتجيب
لي ابو ظرس وخشم ورجل ثالثه يجووون يقولوون لي اقعد ماراااح اقعد ابدن
ابدن ابدن ""الاسامي الي تو وهميه ولا تمت لحقيقه بصله "" <------ صح يا mbc2
قال لي ابجيك واصيح على صدرك المشعر واشكي لك وتشكي لي
عاد قلت له تعال وجب معك باور هووورس <--- امحق احاسيس
عااد قضيت محمل العفش كل ابو ابو ام جده بالشنطه وانا نازل واقابل اخووي المكنى ""بابو ردح""
ولا معه سلسله ويطالعن بنص عين ويقوول وين يابو الشباب ؟؟؟ <-- عربجي هالولد
عاد قلت لوه ابد ابروح لمكه وابـروو ..... ومير يقطاعن ويقوول علينا
يااااا.... وقبل مايكمل الكلمه ولا كوعي بجبهتووه واقووله تكفى لا تعلم ...ابد
استاذن لك من المدرسه اسبوع بس لا تعلم وفوقه اقدع خمسميه ... <--- ابوك يالرشوه
عاااد بعد الصلح الي قاام ومشت الامور وكمل الى ماوصلت لباب بيتنا العزيز والموقر والقوي ومامداني
اووصل عند الباب الا واقابل مرجــان ...
مرجان = كائن غريب اختلف في تصنيفه العلم والعلماء وكلن يقول انه من طائففة الرخويات بس الي غير هالنظريه كله ابوشنب لانه قال انه صطل بويه وتحول ادمي ...
عاااد الصدز كنه صطل ....
المهم واثره يحترين عند الباب هالمرجااان ويقول لي ههااااهااهاهههاهه <-- ضحكة شر يضحكه وهو مطلع سنونه الصفر
عااد الصدز خفت وقلت يااااااي ياوحش ...ومير ارجفوه واقوله شل الشنطه بس وخل عنك المصاله انا غلطان يوم امد لك سلك من الشوتايم ..
وبينما انا واقف الا اشوووف وااحد مقلع يمشي مليووون ويضف الزباله .. عاد انا من يوم شفته ضف الزباله دريت انه ابو شنب من هالعاده الي مايخليه ماخلى زباله بالرياض الا وعفطه
ونزل وهو يصيح ويطااااااااالعن ويقوول لا طلعت الاشاعه صدز ... ويزاااعق ويقول بتسيتك لين ملتني عيووووووووووني ...
ومير اقوووله اووووص اوووص لا تفضحنااا انت وقسمن بالله تطلع لنا ام صعفق""جارتنا"" هالحين وتحوس جدفنا بالشارع ويدرون كل العالم اني ابسافر همن لابغيت اعرس محد يزوجن يقولون سربوووت وراعي سفريات
ام صعفق = الصدز مادري وش اقول عن هالملخلوقه بس الي اتوقعه انه بيت شعر له رجول
ومير اهون واقول لمرجااان خلاص روح انتا انا فيه روح سوا سوا شنب
وقلت له اجدعني المطار على دربك يالمليح قال خلاص بس مامعي حق البنزين ...
قلت تصدق حتى انا ... ومير يهوشني ويقول محد يسلفك ولا احد ملطعك لدنيا الا انا تخبر يوم اسلفك عشره يوم هذاك اليوم يوم هنااااك <--- ياحبووه للمذله هالشنب
قلت خلااااص خلااص ياشنب ذكررت بس مشيناااا ...
وبينما نحن بالطريق ومشغلين مقاااااااااااادير وقالبينه صياااااح ونقووول اااايه يابو مداااح راح الفن عقبك
عاد اول ماوصلنا ومير نشووف هاك الوفد الي جايين يودعوني ...
شفتوا انــي مووهيم وهـ بس
عااد ابو شنب ياحبيلووه وقفن عند الصاله الداخليه ..
ويقول يالله دحدر ابروح للبيت ابلحق على باب الحاره يالله يمدين اليوم حلقه انواع التحمس الحماس المتحمس بيجي العقيد اليوم ..
ومير قلت امحق احاسيس وين الصداقه وين جمع القواطي وين ايام حبنا العذري ...
ومير يرجفن برجله ويقووول انزل ترا يالله يميدن اروح اكحل عيوني بجميله بنت ابو عصام الله يقلع من يخاويك من شاف وجهك الي تسنه اصبع رجلي التسبير مارجاء خير الشره على الي يجيبك للمطار ...
وفجـأهــ قال لي وراك ماتهون بس ....
وميررر نزلت وانا ماسكن شنااطي واقول ...
لاتلوح للمسافر ... المسااافر رااااااااااااح
ويقوول اوووخص لايكون انت الي معلمن راشد الابيات ... عاد انا والم للنصب قلت ايه ايه بس ودني الصاله الدوليه لا الفعك
ومير ينقز ويقول مكه بسنغافورا ... قلت ايه نقلوها مادريت انت ؟؟؟ تراهم ناقلين مكه لهم شهرين
عااد يقووول اييييييييه اشوف ابوي هذاك اليوم رايحن لسنغافوره تهقى راح يعتمر .؟؟
قلت ايه ايه نزلن بس
تشوفون الي يطالع بكل برااائه بجنب اللوحه ....
المووهيم عااااد دخلت وانا كلي ثقه وانحر حمامات المطار واصفق الشورت الي كنت حاطه بالشنطه وهاك الكت الوردي <-------- صح يالنااااااااااعم
________فاصل________
<--- مشغلن ابو نوره ماهقيت ان البراقع يفتنني ويأخذ رشفة من كاس الفيمتو الي صار حار
__________نواصل______
ومير اروح لموظف الخطوط ناوي اقص تذكرهـ وانواااااااع الزحمه السرا واصل عند البوابه ..
شفتوووووووووووووا وشلووون الزحمه ....
يوم شفت الوضع صدقت ان مكه انقلوها لسنغافوره قلت لايكون صدز ؟؟؟!!!!##$%
ومير اقول بيني وبين نفسي ..."" من بغى الدح ماقال اح ""
مهوب ابروح واستانس خلني اصف كله سويعات واقضي <---- متعوب على سويعات ولا !!؟
ومير اصف ومامدان اصف وافتح جوالي واحط لعبة الثعبااان <--- ياقدمووووووووه تحسون ان معي الرهيب ...
وانا داخل جو حتى اني وصلت 834 وميرر امووووت واحمق وانا معصب تسذااا مادري الا هذاك الاصبع الي حفر كتفي اليسار حفر
والتفت واشوووف هااااك الخشه الي كله خشم واذااان ... ومير انهبل واقول ""ويخلق مالا تعلمون ""
وش يبي ذا هالحزه قلت نعم وش تبي يالفضائي ؟؟
قال لي انتا انتا فين رووهـ ؟؟ ومير ارد وانت وشدخلك ؟؟ اروه ولا ماروه ومير يسكت
<--- حس انه قوي
ومير يحفر كتفي مره ثانيه ويقول ممكن جوال شوي .. قلت ليه قال ابغى العب لعبه ...
ومير تحوم تسبدي واهووشه ومير يسكت ومامدان اسكت الا ويحفر كتفي مره ثانيه ويقول ايش اسم انتاااا
عااد رديييت وانا حايمه تسبدي اسم ماال انا مدرعم شووف مره ثانيه كلم ترا مشكل كبيره ماره مره ماااره قد كذا وانا فاتحن يديني من قوة مافتحت يديني صفقت بجبهت الي قدامي
واشوى مير يسكت .... ومامداني استانس الا وينغزني هاك النغزززهـ ومير التفت واصطره هاك الركبه الي قام يصفر من قوووته <---- صح ياقرندايزر
ومير اهج واقول لعنبو السفره الي وراااه ذا الي اشغلني ... ومير اروووح وادق على ابو شنب ويرد علي ويقوول هاه اعتمرت ؟؟؟
قلت لاااااااا يابن الحلال تعاال بسرعه للمطار فيه هوشه وتراي ابتصطر تهاوشت مع واحد قوي وبلشت ...
قااال هذااي جااي ,, اصبر اصبر قبل ماتصك .. قال هااااااه ... ومير اقوله وش صار على باب الحاره ... <---- ابوك يالمزاج
ومير يرد علي توه مابدت ..... قلت زين اجل نبي نشووفه جميييع
وانتهت السفرهـ كله ببملحق ابو شنب وعلى باب الحاره وعلى بنت ابو عصااااااااااام وهـــ ياجميله ,,,,
_____________________
معلييش على الاطاله الي قد كذااااا .....
ســفرهـ ونهايته ملحـق ابو شنب .: مش حتئدر تغمض عينيك
